नयाँ वर्ष, जीवनका नयाँ दृष्टिहरूको निम्ति एउटा अवसर र सम्भावना हो । त्यस्तो व्यक्ति नै धन्य हुन्छ, जोसँग यहाँ र यहँभन्दा परको स्पष्ट दृष्टि हुन्छ ।

विश्वका अधिकांश समाजहरूमा मृत्यु वर्जित विषय बनेको छ । तर, कतै हामीले मृत्युलाई पूर्णतया गलत रूपमा पो बुझेका छौँ कि ? मृत्युलाई जुन रूपमा महाविपत्ति भनेर चित्रित गरिएको छ, यो त्यसो नभएर हाम्रो जीवनको मूलभूत पक्ष पो हो कि ? मुक्तिको लागि आध्यात्मिक सम्भावना पो हो कि ?

डर यस्तो भावना हो, जसले हामीलाई पङ्गु बनाउँछ । डरबाट कसरी मुक्त हुने अनि जीवनलाई पूर्ण रूपमा कसरी अनुभव गर्ने भन्ने बारेमा, योगी एवं दिव्यदर्शी, सद्‌गुरु जीवन–रूपान्तरण गर्ने कुराहरू बताउँदै हुनुहुन्छ ।