સદગુરુ : જ્યારે તમે કહો છો કે કોઈની પાસે એક દ્રષ્ટિ છે, આજકાલ, "દ્રષ્ટિ" શબ્દનો ઉપયોગ સામાજિક વપરાશમાં એક મોટા સ્વપ્નના રૂપમાં થાય છે. ના, દ્રષ્ટિ સ્વપ્ન નથી. દ્રષ્ટિ એટલે તમારી જોવાની ક્ષમતા. જ્યારે તમે કંઈક જુઓ છો જે મોટાભાગના લોકો જોઈ રહ્યા નથી, ત્યારે આપણે કહીએ છીએ, "ઓહ, તે એક સ્વપ્નદ્રષ્ટા છે. તે કંઈક જુએ છે જે અન્ય લોકો જોઈ રહ્યા નથી. "જો તેની પાસે તમારા કરતા મોટું સ્વપ્ન હોય, તો તેનાથી તે એક દ્રષ્ટા બનતા નથી – તેઓ એક મોટી સમસ્યા છે.

મુઝફ્ફર અલી : તેઓ મેનિપ્યુલેટર બની ગયા.

સદગુરુ : જો મારું એક મોટું સ્વપ્ન છે જે દરેકના સ્વપ્ન સાથે સંમત નથી, તો હું તે બધાને મારા સ્વપ્ન તરફ દોરી લઈશ. આવા સ્વપ્નનો મતલબ શું છે?

મુઝફફર અલી : તો, તમારું સ્વપ્ન શું છે?

સદગુરુ : હું સ્વપ્ન નથી જોતો, હું જીવું છું. હું ફક્ત પૂર્ણ રીતે જીવું છું.

મુઝફ્ફર અલી : પણ સ્વપ્ન જોવું સારું છે, ને? નહિંતર, બધા તમને સ્વપ્ન ન જુવો, વૃદ્ધિ કરો, શીખો, અને જીવો, તેમ કહે છે. પણ પછી ખરેખર તે સ્વપ્ન છે જે તમને શુદ્ધ રાખે છે, ને?

સદગુરુ : મોટાભાગના લોકો માટે ડ્રીમ્સ સામાન્ય રીતે ગંદા હોય છે! શું તમને લાગે છે કે તેઓ બધા શુદ્ધ સપના જુવે છે? છેલ્લાં પચાસ વર્ષમાં, હું તમને કહું કે મે એક પણ સ્વપ્ન નથી જોયું. જ્યારે હું સૂઈ જાઉં ત્યારે હું સૂઈ જાઉં છું. જ્યારે હું જાગી જાઉં છું, ત્યારે હું સંપૂર્ણપણે જાગૃત છું. કારણ કે હું મારો સમય રાતના સપના જોવામાં બગાડતો નથી. મારા જીવનમાં લગભગ પચીસ વર્ષ સુધી, હું ફક્ત અઢી થી ત્રણ કલાક જ સૂતો. આજકાલ હું થોડો આળસુ થઈ ગયો છું અને ચાર-સાડા ચાર કલાક સૂઈ જાઉં છું.

મનથી પરે

સ્વપ્ન અચેતન કલ્પના છે. કેટલાક લોકોએ ક્યારેક તેમના મનના વિવિધ પરિમાણોમાં દાખલ થવા સપનાનો ઉપયોગ કરે છે કે જેના પર તેઓ સામાન્ય રીતે પ્રવેશ કરી શકતા નથી. તેથી, તેઓ સપનાને એક ઉપયોગી માધ્યમ તરીકે વાપરે છે. ખાસ કરીને, ઓસ્ટ્રેલિયા અને ઉત્તર અમેરિકન જનજાતિઓમાં એબોરિજિન સંસ્કૃતિ જેવી કેટલીક સંસ્કૃતિઓએ મોટા પ્રમાણમાં સ્વપ્નોનો ઉપયોગ કરતા હતા, પરંતુ આ સપનાથી તેઓ જેનું સંચાલન કરતાં હતા તે તાંત્રિક વસ્તુ હતી. વાસ્તવિક રહસ્યવાદ થતો નથી. ભારતમાં તાંત્રિક પ્રક્રિયાઓ, વસ્તુઓ બનાવવાની એક શક્તિશાળી રીતમાં કલ્પનાનો ઉપયોગ કરે છે. ઘણા લોકો અન્યોને નુકસાન પહોંચાડવા માટે તંત્રનો ઉપયોગ કરી રહ્યા છે, પરંતુ તંત્ર અદ્ભુત વસ્તુઓ પણ કરી શકે છે.

ડ્રીમ એ તમારા મનનું એક માત્ર પરિમાણ છે. જ્યારે તમે તેને પાર કરો ત્યારે જ તમે એવા પરિમાણનો સ્પર્શ કરશો કે જે આજે રહસ્યવાદ તરીકે ઓળખાઈ રહ્યા છે. રહસ્યવાદ એટ્લે એ કે જેને તમે તમારા ભૌતિક શરીર અથવા તમારા મગજથી અળકી શકતા નથી. તમારું મન તે માટે અસમર્થ છે. તમારું શરીર તે માટે અસમર્થ છે. તે પરિમાણને સ્પર્શ કરવા માટે તમારામાં એક બીજા પરિમાણની જાગૃતિ થવી જોઈએ. તે સારું છે કે આપણે તે રીતે વ્યાખ્યાયિત કરીએ છીએ. નહિંતર, લોકોને આવતા દરેક સ્વપ્ન અને કલ્પના રહસ્ય બની જશે.

અંદરનો ખોટો વિશ્વ

ડ્રીમ્સ એક સાધનનો પ્રકાર છે, પરંતુ ખૂબ જ લપસણો સાધન છે. ઉપયોગ કરવા માટે વધુ સારા સાધનો છે, પરંતુ આને ઉપયોગમાં લેવા માટે મનુષ્યની અંદરના ઘણા સંગઠનની જરૂર પડશે. ઉદાહરણ તરીકે, હું આ રીતે બનેલો છું: જો હું મારી આંખો બંધ કરીશ, તો જગત મારા માટે અદ્રશ્ય થઇ જશે. લોકો કહે છે, "તે કેવી રીતે શક્ય છે?" સારું, તે પોપચાંનું કાર્ય છે. તેથી તે તમને આપવામાં આવ્યું હતું. જો તમે તેને બંધ કરો, તો તે પતિ જવું જોઈએ. તમારા ઘરમાં એક બારી છે. જો તમે તેને બંધ કરો છો, તો મહાન સૂર્ય પણ બંધ થઇ જાય છે. જ્યારે બારી તે કરી શકે, તો પોપચાં કેમ નહી? તે તેમ નથી કરી રહ્યું કારણ કે તમે તમારી અંદર ખોટી દુનિયા બનાવી છે. જ્યારે તમે તમારી આંખો બંધ કરો છો ત્યારે બહારની દુનિયા જતી રહે છે. પરંતુ તમારૂ પોતાનું ખોટુ જગત છે જે આગળ વધી રહ્યુ છે. જો તમારૂ પોતાનું ખોટુ જગત નથી હોતું, જો તમે આ જગતમાં રહો છો, જો તમે તમારી આંખો બંધ કરો છો, તો તે ગયુ, પુફ્ફ. જો હું પાંચ અથવા છ દિવસ માટે એક જગ્યાએ બેસુ, તો મને એક પણ વિચાર ના આવે, તો સ્વપ્ન તો ભૂલી જાવ. એક પણ વિચાર નહી, કારણ કે મારું માથું તદ્દન ખાલી છે. તેથી તે હલકું છે. તમે જાણો છો, ખૂબ જ હલકું.